Սկանդալին դեպք է տեղի ունեցել Թուրքիայի վարչապետ Ռեջեփ Թայիփ Էրդողանի հետ ԱՄՆ-ում՝ G-20 գագաթնաժողովի շրջանակներում Հիլարի Քլինթոնի կազմակերպած քննարկմանը։ Էրդողանի թիկնապահները ծեծկռտուքի մեջ են մտել ԱՄՆ նախագահ Բարաք Օբամայի թիկնազորի հետ։ Այս մասին տեղեկացնում է թուրքական euractiv կայքէջը։

Ըստ տեղեկությունների, Թուրքիայի վարչապետի անվտանգությունը ապահովող ԱՄՆ-ի գաղտնի ծառայությունների աշխատակիցների եւ ԱՄՆ նախագահ Բարաք Օբամայի թիկնազորի միջեւ ծեծկռտուք է տեղի ունեցել։ Բանը հասել է նրան, որ Էրդողանը ինքն է բռնել թուրք թիկնապահին հարվածող ամերիկացի թիկնապահի ձեռքը եւ հետ հրել նրան։ Այս միջադեպից հետո Էրդողանը հրաժարվել է ելույթ ունենալ եւ անվտանգության նկատառումներից ելենելով անմիջապես հեռացել է այդտեղից։ Այս դեպքից անմիջապես հետո փոխվեցին Թուրքիայի վարչապետ Ռեջեփ Թայիփ Էրդողանի անվտանգությունը ապահովող ԱՄՆ-ի գաղտնի ծառայության աշխատակիցները։