Ադրբեջանի մի քաղաքացու մոտ, որ բնակվում է Քյուդեմիրյան շրջանում, հայտնաբերվել է A/H1N1 վարակ, որը հայտնի է «խոզի գրիպ» անվամբ: Այդ մասին հաղորդում է ադրբեջանական «APA» գործակալությունը:

Երկրի առողջապահության նախարարության տվյալներով, հիվանդը հոսպիտալացվել է թոքային հիվանդությունների գիտահետազոտական ինստիտուտ: Ներկայումս հիվանդը յուրահատուկ բուժման կուրս է անցնում բժիշկների հսկողության տակ:

Հիվանդի հետ շփված անձանց շրջանում համալիր պորֆիլակտիկ միջոցառումներ են անցկացվում:

Ադրբեջանական լրատվամիջոցների փոխանցմամբ, հիվանդը ժամանակավորապես բնակվել է Ուկրաինայի Իվանո-Ֆրանկովյան մարզում եւ Ադրբեջան է ժամանել հոկտեմբերի վերջին:

Հուլիսին Ադրբեջանում A/H1N1 վարակի երկու դեպք էր արձանագրվել Ֆրանսիաից եւ Անգլիայի ժամանած անձանց մոտ:

Ադրբեջանը մտել է այն 90 երկրների շարքը, որոնց Առողջապահության համաշխարհային կազմակերպությունն անհատույց 300 միլիոն չափաբաժին պատվաստանյութ է տրամադրել «խոզի գրիպ»-ի դեմ: Արդեն այս ամիս գրիպի համաճարակի դեմ պատվաստանյութի մի մասը կբերվի Ադրբեջան: