Թուրքիայի եւ Իրանի միջեւ գաղտնի համաձայնություն է ձեռք բերվել, որի համաձայն Անկարան պետք է Թեհրանին հետախուզական տեղեկություններ հաղորդի, ինչը թույլ կտա վերջինիս խուսափել իսրայելական հարվածներից: Այդ համաձայնության մասին, որը ձեռք է բերվել Թուրքիայի վարչապետ Ռեջեփ Թայիփ Էրդողանի եւ Իրանի նախագահ Մահմուդ Ահմադինեջադի հանդիպման ժամանակ, որը կայացել է Էրդողանի Թեհրան այցելության օրերին: Այս մասին հաղորդում է իսրայելական «Կուրսոր»-ը հղում անելով հրեական «Դեբկա» գործակալությանը:

Այդ համաձայնությունները զարգացել են օրերս Ստամբուլում «Իսլամական կոնֆերանս» կազմակերպության տնտեսական նստաշրջանի ժամանակ, որին մասնակցելու համար Ստամբուլ էր ժամանել նաեւ Իրանի նախագահը: Թուրքիան խոստացել է Իրանին տեղեկություններ հատկացնել նաեւ ամերիկյան զորքերի տեղաշարժի մասին:

Նշվում է, որ թուրքական բանակի հրամանատարությունը սկզբում դիմադրել է երկրի վարչապետի այդ պլանին, բայց հետո ընդունել է դրանք: Սրանով, ըստ էության, վերջնականապես տապալվում է Թուրքիայի եւ Իսրայելի միջեւ ռազմավարական միությունը, իսկ Իսրայելի դեմ հյուսիսային ճակատը ամրանում, նշում է «Կուրսոր»-ը: