Անկարա է ժամանել թուրք-ամերիկյան խորհրդի նախագահ Բրենտ Սկոուկրոֆտը: Նրա այցելությունը իրականացվում է Թուրքիայի վարչապետ Ռեջեփ Թայիփ էրդողանի ԱՄՆ մեկնելու նախօրեին: Հիշեցնենք, որ վարչապետի այցելությունը նախատեսված է դեկտեմբեր 7-ին: Սկոուկրոֆտը մամուլի ասուլիսի ժամանակ գնահատականներ է տվել Թուրքիայի ներքին քաղաքական կյանքին:

Թուրք-ամերիկյան խորհդի նախագահը դրական է արտահայտվել Թուրքիայում կատարվող ժողովրդավարական վերափոխումների մասին` ասելով, որ Թուրքիայի կողմից ձեռնարկված քայլերը «դրական են, գործնական եւ երկարաժամկետ»: Սկոուկրոֆտը նաեւ նշել է, որ հայ-թուրքական արձանագրությունները կարեւոր դեր ունեն տարածաշրջանում խաղաղության հաստատման գործում:

Խորհրդի անդամները նաեւ անդրադարձել են Կիպրոսի խնդրին, որի լուծումը, նրանց կարծիքով, մեծ նշանակություն ունի Թուրքիայի Եվրոպական միության անդամակցման գործում: Թուրք-ամերիկյան խորհրդի անդամները հայտնել են, որ այս խնդրում աջակցելու են Թուրքիային: Սկոուսրոֆտը նշել է, որ Թուրքիան տարածաշրջանում կարեւոր դեր է խաղում շնորհիվ իր վարած մերձավորարեւելյան քաղաքականության:

Ռիչարդ Արմիտիջը, ով հունվարին կդառնա թուրք-ամերիկյան խորհրդի նախագահը, գնահատականներ է տվել թուրք –իսրայելական հարաբերություններին: Նա ասել է, որ երկու երկրների միջեւ եղած լարվածությունը ժամանակավոր է:

Խորհրդի անդամներին կընդունի նաեւ արտգործնախարար Ահմեդ Դավութօղլուն: