Ադրբեջանի նավթային հատվածի կապիտալիզացիայի մակարդակը կազմում է 13 տոկոս, այն ժամանակ երբ Չինաստանում այդ թիվը հասնում է 40-50 տոկոսի: Նոյեմբերի 17-ին AzTV-ի եթերում հետազոտության նման տվյալներ է ներկայացրել Ադրբեջանի կենտրոնական բանկի վարչության նախագահ Էլման Ռուստամովը:

Ռուստամովի խոսքերով, 1995-96թթ., երբ նավթային հատվածում կապիտալիզացիան պայմանավորեց երկրի տնտեսական վերելքը՝ կազմելով 400 տոկոս, «դա ապահովվեց օտարերկրյա ներդրողների հաշվին»: Այսպես, նա նշել է, թե նավթային հատվածում ներդրված միջոցները կազմել են արտադրանքի 400 տոկոսը՝ միայն այդ հատվածում:

Միեւնույն ժամանակ, իրական դիվերսիֆիկացիայի ապահովման համար անհրաժեշտ է փնտրել ֆինանսավորման այլ աղբյուրներ, որը կարող է դառնալ, օրինակ, բանկային հատվածը:

ԿԲ նախագահի խոսքով, ադրբեջանական բանկերը ներկայում մարել են ռեսուրսների զգալի մասը, բայց այսօր նկատվում է ներքին ռեսուրսների աճ, «Ամբողջության մեջ, առանց ակտիվ ֆինանսավորման քաղաքականության՝ տնտեսության դիվերսիֆիկացում հնարավոր չէ»:

Ադրբեջանի տնտեսական զարգացման նախարար Շահին Մուստաֆաեւի խոսքով, նավթային հատվածում զարգացման համար բավարար չեն ձեռնարկատիրության աջակցության ազգային հիմնադրամի միջոցները, դրան պետք է միանան նաեւ բանկերը: Մինչդեռ ֆինանսների նախարար Սամիր Շարիֆովը կարծում է, թե այսօր երկրում կապիտալիզացիայի նման մակարդակով երկրում այլ ֆինանսական ինստիտուտ չկա, հայտնում է Trend Capital-ը: