Հայաստանի ու Ադրբեջանի նախագահներ Սերժ Սարգսյանի ու Իլհամ Ալիեւի հանդիպումը կայանալու է նոյեմբերի 22-ին` Մյունխենում: Մինչ այդ ԱԳ նախարար Է. Նալբանդյանը ԱԺ-ում հայտարարել էր, որ հանդիպումը կայանալու է Մյունխենում, սակայն կոնկրետ ժամկետ չէր նշել: Փոխարենը կոնկրետ ամսաթիվ էին նշել ադրբեջանական լրատվամիջոցները, որն այսօր հաստատեց նաեւ ՀՀ նախագահականը:

Ի դեպ, ըստ ադրբեջանական աղբյուրների, հանդիպմանը մասնակցելու են նաեւ ԵԱՀԿ Մինսկի խմբի համանախագահները: Այս հանդիպումը երկու երկրների նախագահների միջեւ այս տարվա ընթացքում թվով վեցերորդ հանդիպումն է:

Հիշեցնենք, որ դեկտեմբերի 1-2-ին Աթենքում ԵԱՀԿ ԱԳ նախարարների խորհրդի նիստի շրջանակներում հանդիպելու են նաեւ Հայաստանի ու Ադրբեջանի ԱԳ նախարարները: Նկատենք, որ սա բացառիկ դեպք է, երբ ԱԳ նախարարների հանդիպումը հաջորդում է նախագահների հանդիպմանը: