Ռուսաստանը հնարավոր է, որ միանա Եվրամիության «Արեւելյան գործընկերություն» ծրագրի շրջանակներում որոշ նախագծերի, հայտարարել է ՌԴ ԱԳՆ ղեկավար Սերգեյ Լավրովը:

«Մենք, իհարկե, կուսումնասիրենք Արեւելյան գործընկերություն» ծրագրի շրջանակներում այս կամ այն նախագծին մեր միանալու առաջարկները: Մենք դա չենք բացառում եւ քննարկելու ենք ամեն մի կոնկրետ նախագիծ ըստ արժանվույն",- ասել է Լավրովը Բելառուսի ԱԳ նախարար Սերգեյ Մարտինովի հետ Մոսկվայում կայացած համատեղ ասուլիսի ժամանակ:

Հիշեցնենք, որ բելառուս լրագրողներին տված հարցազրույցում Ռուսաստանի նախագահ Դմիտրի Մեդվեդեւը հայտարարել էր, թե Ռուսաստանի շահերին վնասող ոչ մի վտանգ չի տեսնում տվյալ նախագծում Հայաստանի, Ադրբեջանի, Վրաստանի, Մոլդովայի, Ուկրաինայի եւ Բելառուսի մասնակցության մեջ: