Հայաստանի կառավարությունը նոյեմբերի 26-ին կայացած նիստում հաստատել է աղետի գոտու բնակավայրերում երկրաշարժի հետեւանքով անօթեւան մնացած ընտանիքների բնակարանային խնդիրների լուծման նպատակով պետական աջակցությամբ իրականացվող բնակարանային շինարարության ծրագրերի շրջանակներում կառուցված բնակելի տների (բնակարանների) հատկացման հանձնաժողովի աշխատանքների կանոնակարգը:

Հայաստանի կառավարության տեղեկատվության եւ հասարակայնության հետ կապերի վարչությունից NEWS.am-ին հայտնեցին, որ դրա անհրաժեշտությունը պայմանավորված է «Գլենդել Հիլզ» ՓԲԸ կողմից աղետի գոտու բնակավայրերում 2009թ. իրականացվող բնակարանային շինարարության ծրագրով կառուցվող բնակելի տների (բնակարանների) բաշխման եւ հատկացման հետ կապված խնդիրների կարգավորմամբ:

Գործադիրը վերաբաշխում է կատարել 2009թ. պետբյուջեում, եւ գումար է հատկացրել ՀՀ մշակույթի նախարարությանը` Արագածոտնի, Սյունիքի, Վայոց ձորի, Կոտայքի, Լոռու մարզերի պատմության եւ մշակույթի մի շարք հուշարձանների եւ մայրաքաղաքի մշակութային օջախների վերականգնման ու նորոգման համար: