2009թ. հունվար-հոկտեմբեր ամիսներին երկքաղաքացիություն ստանալու համար Հայաստանի իշխանություններին դիմել է օտար երկրի գրանցում ունեցող 3,5 հազար մարդ՝ ինչը մոտ երկուսուկես անգամ բարձր է 2008թ. ցուցանիշից: Այդ մասին նոյեմբերի 26-ին հայտնել է Հայաստանի սփյուռքի նախարար Հրանուշ Հակոբյանը:

Նախարարը նաեւ նշել է, որ 2008թ. «Երկքաղաքացիության մասին օրենքն» ընդունելուց հետո երկքաղաքացիություն ստանալու համար դիմել էր մոտ 1300 հոգի: Հրանուշ Հակոբյանը նաեւ նշել է, որ երկքաղաքացիություն ցանկացողները հիմնականում Հայաստանի հետ կապ ունեցող անձինք են, շատ են հատկապես հայ հոգեւորականները:

Ի դեպ, առաջիկայում երկքաղաքացիություն ստանալու ընթացակարգերն ավելի են պարզեցվելու: