Ազգային անվտանգության խորհրդի քարտուղար Արթուր Բաղդասարյանը նոյեմբերի 28-ին ընդունել է Լեհաստանի Հանրապետության ազգային պաշտպանության նախարար Բոգդան Կլիխի գլխավորած պատվիրակությանը:

Ինչպես NEWS.am-ը տեղեկանում է Ազգային անվտանգության խորհրդի քարտուղարի մամուլի գրասենյակից, կողմերը քննարկել են հայ-լեհական երկկողմ համագործակցությանն առնչվող հարցեր: Ընդգծվել է Լեհաստանի հետ ռազմատեխնիկական համագործակցության ակտիվացման անհրաժեշտությունը:

Նշելով, որ Հայաստանում եվրոպական չափանիշներին համապատասխան բարեփոխումներ են իրականացվում տարբեր ոլորտներում` Արթուր Բաղդասարյանը կարեւորել է Լեհաստանի հետ փորձի փոխանակումը Հայաստանի` եվրաինտեգրման ճանապարհին` հաշվի առնելով «Արեւելյան գործընկերություն» ծրագիրը, որի իրականացման ջատագովներից է Լեհաստանը: Անդրադարձ է եղել տարածաշրջանային անվտանգությանն առնչվող հարցերի, այդ թվում` հայ-թուրքական հարաբերությունների եւ ԼՂ հակամարտության կարգավորման խնդիրներին: