Հայաստանի կառավարությունը կերկարացնի Հայկական ատոմակայանի 2-րդ էներգաբլոկի շահագործման ժամկետը: Հարցը ներառված է ՀՀ կառավարության ապրիլի 19-ի նիստի օրակարգում: Ըստ ատոմակայանի շահագործման լիցենզիայի պայմանների` 2-րդ էներգաբլոկը պետք է շահագործվեր մինչեւ 2016 թ. սեպտեմբերի 1-ը, սակայն, հաշվի առնելով ատոմակայանի նոր էներգաբլոկի շինարարության ձգձգումը, կառավարությունը որոշել է երկարաձգել գործող էներգաբլոկի «կյանքը»:
Ըստ կառավարության որոշման նախագծի` ՀՀ էներգետիկայի եւ բնական պաշարների նախարարությանը կհանձնարարվի իրականացնել անհրաժեշտ միջոցառումներ` գործող էներգաբլոկի անվտանգությունը բարձրացնելու համար:
