«Հայէլեկտրամեքենա» ընկերության նախագահ Սեյրան Մաթեւոսյանը եւ Իրանի «Խորասան գյուղարդյունաբերություն» ընկերության գործադիր տնօրեն Հադի Աբդոլլահյանն, այսօր` ապրիլի 17-ին, Հայաստանի առեւտրաարդյունաբերական պալատում կնքել են հայ–իրանական համատեղ ձեռնարկություն հիմնելու պայմանագիր:
ՀՀ առեւտրաարդյունաբերական պալատի լրատվական ծառայությունից հայտնում են, որ այդ պայմանագրով նախատեսվում է «Հայէլեկտրամեքենա» ընկերության տարածքում հիմնել հեղուկներ արտամղող խորքային պոմպերի արտադրություն: ՀՀ առեւտրաարդյունաբերական պալատի նախագահ Մարտին Սարգսյանի հավաստմամբ՝ բազմաթիվ նոր աշխատատեղեր ստեղծելով հանդերձ՝ կունենանք հայրենական նոր արտադրատեսակ, ինչը դուրս է գալու արտաքին շուկա՝միաժամանակ կատարելով նաեւ հայաստանյան պատվերները։
Հայրենական նոր առավել խնայողական պոմպերը կփոխարինեն արտերկրից ներմուծվող երբեմն ցածրորակ ու հատկապես տեղափոխման պատճառով բարձր գին ունեցող արտադրանքին։