Երեւանի Ազատության հրապարակում ապրիլի 22-ին ավարտվեց աշխարհահռչակ տենոր Անդրեա Բոչելիի համերգը:
Ինչպես հաղորդում է NEWS.am-ը, համերգը տեւեց 1,5 ժամ: Հանրահայտ երգիչը կատարեց հայտնի արիաներ իտալական օպերաներից: Բաց երկնքի տակ կազմակերպված համերգին ներկա էին Հայաստանի նախագահ Սերժ Սարգսյանը, հայ գրատպության 500-ամյակի եւ «Երեւանը 2012թ. գրքի համաշխարհային մայրաքաղաք» ծրագրի մեկնարկի կապակցությամբ Հայաստան ժամանած օտարերկրյա պատվիրակությունների ղեկավարները, բարձարաստիճան պաշտոնատար անձինք:
Հանրահայտ երգչին կենդանի լսելու համար հրապարկում ունկնդիրների մեծ բանակ էր հավաքվել, այդ թվում` օտարերկրացիներ: Հավաքվածները շատ ջերմ էին արձագանքում Բոչելիի յուրաքանչյուր կատարման` դրանք ընդունելով բուռն ծափահարություններով:
Ավարտին Բոչելի կատարել է Էլվիս Փրեսլիի I Can't Help Falling In Love With You, ինչպես նաեւ իր հանրահայտ` Time to say goodbye հիթը:
Բոչելիին նվագակցել է Հայաստանի ֆիլհարմոնիկ նվագախումբը եւ «Հովեր» երգչախումբը: Հրապարակի երկու կողմերում եւ բեմի ետեւում տեղադրված էր երեք մեծ էկրան, որոնցով հեռարձակվում էր համերգը:
