ԵԽԽՎ ղեկավար Ժան Կլոդ Մինյոնը հայտարարել է, թե վճռականորեն դատապարտում է Ադրբեջանում լրագրողների իրավունքների զանգվածային խախտումները:
Ապրիլի 23-ի մամուլի ասուլիսում պատասխանելով Ադրբեջանում լրագրողների իրավունքների մասին հարցին, Մինյոնն ընդգծել է, որ առանց հապաղելու արձագանքել է Ադրբեջանում լրագրողների սպանությանը:
Նա նաեւ հաղորդել է, որ անհրաժեշտ է Ադրբեջանի իշխանություններին հիշեցնել այն մասին, որ եթե նրանք ցանկանում են դեր խաղալ միջազգային ասպարեզում, հատկապես «Եվրատեսիլ» երգի միջազգային մրցույթի համատեքստում, ապա պետք է պաշտպանեն լրագրողների իրավունքները, ինչպիսի միջոցառում էլ որ նրանք լուսաբանեն:
Նա վստահություն հայտնեց, որ Եվրախորհուրդը անպայման կհիշեցնի այդ մասին Ադրբեջանի իշխանություններին: