Անհայտ անձը շիշ է նետել Դոմինիկյան հանրապետության նախագահ Լենոլ Ֆերնանդեսի վրա` մայրաքաղաք Սանտո-Դոմինգոյում քաղաքական ցույցի ժամանակ:
Ինչպես հաղորդում է «Կոմսոմոլսկայա պրավդան», նախագահին, ով գտնվել է շարասյան սկզբում` ավտոմեքենայի վրա, անմիջապես փակել են թիկնապահները: Շիշը դիպել է նախագահի կողմնակիցներից մեկի գլխին:
Միջադեպի պատճառով ցույցը որոշ ժամանակով ընդմիջվել է: Որոշ ժամանակ անց միջոցառումը, որ նվիրված էր մայիսի 20-ին կայանալիք նախագահական ընտրություններին, վերսկսվել է: