Երկու ռուս զբոսաշրջիկների են կալանավորել Ինդոնեզիայում` թմրամիջոցների մաքսանենգության համար: Ինդոնեզիայի օրենքներով, նրանց սպառնում է ցմահ ազատազրկում կամ մահապատիժ:
Յոգայի 30-ամյա ուսուցիչ Ալեքսանդր Սիմոնովը եւ 43-ամյա դիզայներ Սերգեյ Չյորնիխը կալանավորվել են Բալի կղզու Դենպասար քաղաքի օդանավակայանում, գրում է Life News-ը:
Սկանավորման ընթացքում Սիմոնովի ստամոքսում հայտնաբերվել է հաշիշով լի 88 փոքրիկ կապոց` 900 գրամ ընդհանուր քաշով:
Չյորնիխի ստամոքսում մաքսատան աշխատակիցները գտել են 695 գրամ թմրանյութ, որը բաշխված է եղել 359 փոքրիկ կապոցներում: Տեղափոխվող թմրանյութերի ընդհանուր արժեքը կազմել է շուրջ 105 հազար դոլար:
Ենթադրվում է, որ նրանք թմրանյութը ձեռք են բերել Հնդկաստանում: