«Իզվեստիա վ Ուկրաինե» թերթը հայտնոմ է Դնեպրոպետրովսկում պայթյունների հետեւանքով 8 զոհվածների մասին: Մինչդեռ քաղաքային վարչակազմը հերքել է այդ տեղեկատվությունը:
Ուկրաինական հրատարակչությունը վկայակոչում էդնեպրոպետրովսկյան մարզային Մեչնիկովի անվան հիվանդանոցի աղբյուրներին: «Վախճանվել է 8 մարդ: Սկսած ուրբաթ օրվանից` մարդիկ գալիս եւ գալիս էին: Մեզ արգելել էին ասել, որ ինչ-որ մեկը մահացել է», – մեջբերում է կայքն իր աղբյուրի խոսքերը:
Միեւնույն ժամանակ Դնեպրոպետրովսկի շրջանային պետական վարչակազմի մամլո ծառայությունում այդ տեղեկությունը հերքել են, հայտնում է «gazeta.ru»-ն: Այստեղ հաստատել են նախկին տվյալները` հիվանդանոցներում շարունակում է մնալ 14 մարդ, նրանցից ոչ մեկի կյանքին վտանգ չի սպառնում:
Հիշեցնենք, որ ապրիլի 27-ին Դնեպրոպետրովսկում պայթյունների շարք էր տեղի ունեցել: Ըստ պաշտոնական տվյալների` պատահարի հետեւանքով տուժել են 30 մարդ, այդ թվում 11 դեռահաս: