Հռոմի քաղաքապետ Ջանի Ալեմանոն ներդրողներ է փնտրում հավերժական քաղաքի մերձակայքում նոր թեմատիկ այգու` Romaland-ի շինարարության համար:
Ենթադրվում է, որ ապագա այգու այցելուները կարող են տեսնել վերստեղծված Ֆորումը, Կոլիզեումը, ինչպես նաեւ գլադիատորների մարտերը, հայտնում է Euromag-ը:
Ըստ Հռոմի զբոսաշրջության վարչության պաշտոնական ներկայացուցիչ Անտոնիո Գացելոնեի` տվյալ այգու ստեղծման նպատակն այցելուներին Հին Հռոմի ժամանակաշրջանի շունչը փոխանցելն է: Ըստ քաղաքապետարանի հաշվարկների` նոր այգին Հռոմ կբերի մեծ թվով զբոսաշրջիկների, որոնց ամենամյա հոսքն այժմ կազմում է 12 միլիոն մարդ:
Այգում նաեւ կլինեն մի քանի հյուրանոցներ եւ ժամանակակից խանութներ:
