Մաշտոցի պուրակում կրպակների ապամոնտաժումն սկսված է երեկվանից: Այդ մասին այսօր` մայիսի 3-ին, լրագրողների հետ ճեպազրույցում հայտարարեց Երեւանի փոխքաղաքապետ Կամո Արեյանը: Նրա տեղեկացմամբ` ապամոնտաժումն իրականացնում է «Կենտրոն կանաչապատում» ՓԲԸ-ն: «Երեւանի քաղաքապետի որոշմամբ` չեղյալ են համարվել կրպակների տեղադրման թույլտվության բոլոր փաստաթղթերը: Կրպակների ապամոնտաժումից հետո կսկսեն այդ հատվածի բարեկարգման աշխատանքները»,- ասաց Կ. Արեյանը:
Նա նաեւ հավաստիացրեց, որ ապամոնտաժված կրպակները որեւէ այլ տեղ չեն տեղափոխվելու:
Լուսանկարը` Սոնա Բարսեղյանի
