ԵրեքշաբթիՀուլիս 22
  • USD 406.97
  • EUR 550.63
  • RUB 11.63

ՀՀԿ-ն հանդես է եկել հայտարարությամբ

21:25, 24.05.2012 Տարածաշրջան: Հայաստան Թեմա: Քաղաքականություն

ՀՀԿ գործադիր մարմնի նիստում հայտարարություն է ընդունվել, որտեղ նշվում է, որ ՀՀԿ-ն հանդես է գալիս որպես հանրային համերաշխության եւ բազմակողմանի համագործակցության համոզված կողմնակից:

Հայտարարությունում ասվում է.

«Սիրելի հայրենակիցներ,

Սույն թվականի մայիսի 6-ին տեղի ունեցած համապետական ընտրությունների արդյունքում Հայաստանի Հանրապետական կուսակցությունը, ստանալով հասարակության ճնշող մեծամասնության քվեն, ընդլայնեց իր դերակատարությունը երկրի հասարական-քաղաքական կյանքում: Այն մեզ հնարավորություն է տալիս, կենսագործելով ՀՀԿ ծրագրային դրույթները, ապահովել Հայաստանի կայուն եւ շարունակական զարգացումը` դառնալով հասարակության սպասելիքների ու ակնկալվող փոփոխությունների հիմնական երաշխավորը:

Մենք շնորհակալ ենք մեր ժողովրդին եւ քաղաքական ուժերին այն բանի համար, որ բոլորիս մասնակցությամբ հաջողվեց լավ ընտրություններ անցկացնել մեր երկրում:

Մենք շնորհակալ ենք մեր կուսակցությանը տրված գնահատականի եւ նորից վստահելու համար:

Հայաստանի Հանրապետական կուսակցությունն ավարտում է քաղաքական խորհրդակցությունների շարքը` խորհրդարանական ընտրություններից հետո մեր երկրում ձեւավորված դրական միջավայրն ամրապնդելու եւ զարգացմանը միտված համագործակցային մթնոլորտ ապահովելու ուղղությամբ:

Մայիսի 31-ին Ազգային Ժողովի 5-րդ գումարման առաջին նիստին ընդառաջ` ՀՀԿ-ն հայտարարում է.

1. Ստանձնելով ԱԺ-ում քաղաքական մեծամասնությանը ՀՀ Սահմանադրությամբ վերապահված պատասխանատվությունների ողջ ծավալը, մենք, ինչպես եւ նախկինում, հանդես ենք գալիս որպես հանրային համերաշխության եւ բազմակողմանի համագործակցության համոզված կողմնակից:

2. Այդ համատեքստում, մենք պատրաստակամ ենք քննարկել ԱԺ-ում ներկայացված բոլոր քաղաքական ուժերի ցանկացած ողջամիտ առաջարկ` ի նպաստ մեր պետության զարգացման եւ յուրաքանչյուրի համար ավելի լավ Հայաստան կառուցելուն:

3. Որպես պատասխանատու քաղաքական ուժ, մեր ավելի քան 20-ամյա գործունեությունը ծառայեցրել ենք անկախ պետականության կայացմանն ու ամրապնդմանը, արել ենք հնարավորը մեր երկրի ու ժողովրդի առջեւ ծառացած խնդիրների լուծման համար: ՀՀԿ-ն այսուհետ եւս, ստանձնելով հիմնական պատասխանատվություն` հաստատակամ է իր ծրագրերն իրականացնելու գործում»:

Լուրեր Հայաստանից - NEWS.am

Այս թեմայով

Սերժ Սարգսյանն օրենքներ է ստորագրել

Օրենքներն ավելի վաղ ընդունվել էին Ազգային ժողովի կողմից...

«Հայոց աշխարհ». Ռուսաստանը Ադրբեջանին զենք վաճառելու իրավունք չուներ

Ռուսաստանի հետ Հայաստանի դաշնակցային հարաբերությունները կեղծ են, որովհետեւ այդ զենքի վաճառքն ուղղակի ճանապարհ է դեպի պատերազմ

Իջեւանում քննարկվել է Սահմանադրական բարեփոխումների հայեցակարգը

Հայաստանը նույնպես պետք է համահունչ քայլի միջազգային իրողություններին ու սահմանադրականության զարգացման հիմքեր ստեղծի…

«Հրապարակ». Դոն Պիպոն Էջմիածնում փորձում է իր մարդուն քաղաքապետ դարձնել

Կողմերն առանձին-առանձին «պատգամաբերներ» են ուղարկում իշխանությունների մոտ...

Կշտանալու մասին օրենք. ՕԵԿ-ի նոր օրինագիծը

Երեկ մի խեղճ ուսուցչուհի խնդրում էր ինձ բանկից հանել գումարը, սակայն ասում եմ՝ մայրիկ, Ձեր հաշիվները սառեցված են, եւ այս ուսուցչուհին, որ հարյուր հազար դրամով ապրում է...

«168 ժամ». ԵՏՄ-ին անդամակցելու դեպքում Հայաստանը փաստացի հրաժարվում է Ղարաբաղից

Հայաստանը համաձայնում է, որ դա կամ առանձին տարածք է, կամ…