ՇաբաթԴեկտեմբեր 20
  • USD 464.57
  • EUR 570.17
  • RUB 7.74

Հայերն ու թուրքերը Pecha Kucha են արել Ստամբուլում (ֆոտո)

10:01, 25.05.2012 Տարածաշրջան: Հայաստան, Թուրքիա Թեմա: Հասարակություն, Մշակույթ



Եվրասիա համագործակցություն հիմնադրամի աջակցությամբ մայիսի 24-ին, 20:20-ին Ստամբուլում տեղի է ունեցել հայ եւ թուրք մասնակիցների Pecha Kucha ներկայացում-երեկոն, որի ընթացքում մասնակիցները 20 պատկերի եւ ամեն պատկերում 20 վայրկյան ժամանակահատվածում ներկայացրել են իրենց ասելիքը:

2011-ի նոյեմբերի 8-ին Երեւանում տեղի էր ունեցել  Pecha Kucha-ի Երեւանի եւ Ստամբուլի մասնակիցների հանդիպումը, որից հետո որոշվել էր պատասխան երեկոն կազմակերպել Ստամբուլում:

Թուրքական կողմի մասնակիցներից Էմրե Գյունեշը, ով հանդիսանում է թուրքական PLD Turkiye ճարտարապետական ամսագրի գլխավոր խմբագիրը,  NEWS.am-ի թղթակցի հետ զրույցում նշեց, որ ինքը սիրով ընդունել էր 2011-ի նոյեմբերին Երեւանում անցկացված Pecha Kucha-ին մասնակցելու հրավերը: Նա շեշտեց, թե տեղյակ էր հայ-թուրքական հակամարտության մասին եւ համաձայնվեց մասնակցել, քանի որ նման միջոցառումները առիթ են ունենալ մշակույթային փոխհարաբերություններ՝ դրական ազդելով երկու ժողովուրդների միջեւ հաշտությանը:

Pecha Kucha-ի երեւանյան կազմակերպիչ Վահե Բալուլյանը նշեց, որ Pecha Kucha-ն, որը ճապոներեն նշանակում է «ասել-խոսել», առաջացել է Ճապոնիայում 2003-ին, որից հետո դրա գաղափարը դուր է եկել շատերին:  Նա ասաց, որ ներկայումս ավելի քան 500 քաղաք լիցենզիա է ստացել՝ իրականացնելու Pecha Kucha, այդ թվում՝ Երեւանը, որն արդեն մասնակցել է 10 միջոցառման:

Դահլիճում մեծ հետաքրքրություն առաջացրեց հայ մասնակիցներից Հովակիմ Սաղաթելյանի պատրաստած ներկայացումը՝ «Թե ինչպես էի ես հրավիրվել Ստամբուլ Սուլթան Մեհմեդի կողմից. պատմություն պատմության մասին» վերնագրով: Սաղաթելյանը նշեց, որ ինքը պատմական գիրք է գրում, որտեղ խոսվում է հայերի եւ թուրքերի հարաբերությունների մասին, թե ինչպես թուրքերի ամենահայտնի Սուլթանը՝ Մեհմեդը Բուրսայից Կոնստանդնուպոլիս հրավիրեց Հայոց պատրիարք Հովակիմին՝ հայերին տալով արտոնություններ մյուս ազգերի նկատմամբ, եւ թե ինչպես այդ վերաբերմունքը հետագայում փոխվեց:

Լուրեր Հայաստանից - NEWS.am

Այս թեմայով

No Comment. Դիմորդների էմոցիաները՝ ցուցակներում իրենց անունը գտնելուց հետո

Դիմորդների էմոցիաները՝ ցուցակներում իրենց անունը գտնելուց հետո...

Բանակում էլեկտրահարման հետևանքով ձեռքերը կորցրած Գարիկը զարմացնում է իր կտավներո...

«Սկզբում, երբ մարդիկ տեսնում են Գարիկի նկարները չեն հավատում, որ ինքն ա նկարել...»

«Աստղային պատերազմների» նոր նկարահանումների մասին կեղծ հոլովակը YouTube-ում հիթ...

Հեղինակը Ֆրանկ Վունդերլիխն է: Դա սովորական գերմանական անուն է...

Ճապոնական Տանաբատա տոնը կնշեն Երեւանում

Երեխաներն ու մեծահասակներն իրենց երազանքները վստահում են գունավոր թղթի ժապավեններին…

Դասախոսներն օգնել են դիմորդներին գծագրության քննության ժամանակ. դիմորդները պահան...

«Պահանջում ենք նոր քննություն` նոր հանձնաժողովով եւ նոր կազմած առաջադրանքներով...»

Երեւանն ուզում են սարքել բետոնե ջունգլի. Արթուր Իսպիրյան

«Ես էլ Իտալիայից եմ գալիս, նախանձում եմ՝ ինչպես են պահել իրենց ճարտարապետությունը...»

Partner news