Հայաստանի կառավարության այսօրվա` մայիսի 31-ի նիստից հետո, ԲՀԿ մանդատով քաղաքաշինության նախարար Վարդան Վարդանյանը հայտարարության համար ձայն խնդրեց եւ շնորհակալություն հայտնեց կառավարության իր գործընկերներին` համատեղ աշխատանքի համար:
Նա հիշեցրեց, որ ԲՀԿ-ն քաղաքական որոշում է ընդունել կոալիցիայի մաս չկազմելու մասին, կառավարությունն էլ հրաժարական է տվել:
ՀՀ վարչապետ Տիգրան Սարգսյանն էլ իր հերթին շնորհակալություն հայտնեց ԲՀԿ անդամ նախարարներին`«որոնք մեզ հետ այս տարիների ընթացքում կառավարւության ծանր լուծը տարել են իրանց վրա»:
