«Բարգավաճ Հայաստան» կուսակցությունը որոշել է, թե իր կողմից ովքեր պետք է զբաղեցնեն խորհրդարանական 4 հանձնաժողովների նախագահների պաշտոնները: NEWS.am-ի թղթակիցը ԱԺ-ից հաղորդում, որ Եվրաինտեգրման հարցերի հանձնաժողովը ղեկավարելու է ԱԺ պատգամավոր Նաիրա Զոհրաբյանը, ով մինչ այդ եւս այդ հանձնաժողովն էր ղեկավարում:
ՏԻՄ հարցերով հանձնաժողովի նախագահ է դառնալու Ստեփան Մարգարյանը, Մարդու իրավունքների հանձնաժողովը գլխավորելու է Էլինար Վարդանյանը, իսկ գյուղատնտեսության հարցերի հանձնաժողովը` Սամվել Բալասանյանը:
Նշենք, որ ԲՀԿ-ն նոր խորհրդարանում կունենա մշտական հանձնաժողովների չորս նախագահ: Բացի այդ, հանձնաժողովներից եւս երեքի փոխնախագահները կլինեն ԲՀԿ-ից:
Ավելի վաղ NEWS.am-ը հայտնել էր, որ այսօր` մայիսի 31-ին, մեկնարկել է 5-րդ գումարման ԱԺ-ի առաջին նիստն է: Այսօր նաեւ կընտրեն հանձնաժողովների նախագահներին: