Վայոց Ձորի ԲՀԿ-ական մարզպետ Սերգեյ Բագրատյանն, այսօր` հունիսի 4-ին, հրաժարականի դիմում է ներկայացրել: Այս տեղեկությունը NEWS.am-ի թղթակցի հետ զրույցում հաստատեց ինքը` Սերգեյ Բագրատյանը եւ սահմանափակվեց ընդամենը այդքանով:
Ավելի վաղ հրաժարականի դիմում էր ներկայացրել Գեղարքունիքի մարզպետ, ԲՀԿ-ական Նվեր Պողոսյանը:
Հիշեցենք, որ խորհրդարանական ընտրություններից հետո ԲՀԿ առաջնորդ Գագիկ Ծառուկյանը հայտարարել է, որ իրենք նպատակահարմար չեն գտնում կոալիցիա կազմել, ինչը ենթադրում է, որ ԲՀԿ-ն նոր կառավարությունում նախարարներ, նաեւ մարզպետի պաշտոններ չի ունենա:
