Աֆղանստանում բանտից բանտարկյալներ են փախել, այդ թվում արմատական «Թալիբան»շարժման գրոհայինները: Փախուստը տեղի է ունեցել այսօր` հունիսի 8-ի գիշերը, երկրի հյուսիսում գտնվող Սարի Փուլ նահանգում գտնվող բանտից:
Բանտարկյալները պայթեցրել են բանտի պատը եւ փախել: Երեք բանտարկյալներ սպանվել են, փախուստի դիմածների մի մասին բռնել են: 14 մարդու դեռ որոնում են:
AP գործակալության տվյալներով, պայթուցիկ սարքը պատրաստվել է բանտի ներսում: Բանտարկյալները փախուստի ժամանակ պայթեցրել են նաեւ բանտի աշտարակներից մեկը, որտեղ գտնվել է պահապանների խումբը:
