ՇաբաթՕգոստոս 23
  • USD 408.71
  • EUR 542.6
  • RUB 11.29

ԱԺ նախագահն ընդունել է ԳԴՀ Բունդեսթագի արտաքին հարաբերությունների հանձնաժողովի ն...

19:50, 09.06.2012 Տարածաշրջան: Աշխարհում, Հայաստան Թեմա: Քաղաքականություն

Հայաստանի Ազգային ժողովի նախագահ Հովիկ  Աբրահամյանն այսօր` հունիսի 9-ին, ընդունել է ԳԴՀ Բունդեսթագի արտաքին հարաբերությունների հանձնաժողովի նախագահ Ռուպրեխտ Պոլենցին: Հանդիպմանը ներկա էին ԱԺ արտաքին հարաբերությունների մշտական հանձնաժողովի նախագահ Արտակ Զաքարյանը, Հայաստան-Գերմանիա բարեկամության խմբի ղեկավար Արտակ Դավթյանը:

ԱԺ մամուլի ծառայությունից NEWS.am-ին հայտնում են, որ ԱԺ նախագահը գոհունակությամբ  փաստել է, որ վերջին տարիների ընթացքում հայ-գերմանական քաղաքական երկխոսությունը եւ փոխգործակցությունը ձեռք են բերել դինամիկ բնույթ:

«Հայաստանը կարեւորում է Գերմանիայի հետ հարաբերությունների զարգացումը  թե երկկողմ եւ թե  բազմակողմ ձեւաչափերով: Հայ-գերմանական համագործակցությունը մենք դիտում ենք որպես կարեւոր բաղադրիչ Հայաստանի  եվրաինտեգրման քաղաքականության  ընդհանուր համատեքստում` հաշվի առնելով Գերմանիայի ծանրակշիռ դերը Եվրամիության կառույցներում»,-նշել է Աբրահամյանը: ԱԺ նախագահի համոզմամբ`  երկու երկրների միջեւ հարաբերությունների սերտացման գործում մեծ դեր է վերապահված խորհրդարաններին եւ այդ համատեքստում կարեւորվեց  միջխորհրդարանական կապերն աշխուժացնելու, պատգամավորական բարեկամության խմբերի աշխատանքներն ակտիվացնելու անհրաժեշտությունը, միջազգային կազմակերպություններում երկուստեք հետաքրքրություն ներակայացնող հարցերի շուրջ համագործակցությունը:

ԱԺ նախագահի խոսքով ` Հայաստանը մեծապես շահագրգռված է Գերմանիայի հետ առեւտրատնտեսական կապերի շարունակական զարգացմամբ ու խորացմամբ:

Ռուպրեխտ Պոլենցը շնորհակալություն հայտնել է ջերմ ընդունելության համար եւ շնորհավորել Հովիկ Աբրահամյանին ԱԺ նախագահ վերընտրվելու կապակցությամբ: Նա նույնպես կարեւորել է հայ-գերմանական հարաբերությունների  էլ ավելի զարգացումը եւ խորացումը:

Հանդիպման ընթացքում անդրարդարձ է եղել տարածաշրջանային խնդիրներին, ԼՂ հակամարտության կարգավորմանը եւ հայ- թուրքական հարաբերություններին: ԱԺ նախագահը նշել է, որ Հայաստանը բազմիցս հայտարարել է, որ ղարաբաղյան հիմնախնդիրը պետք է կարգավորվի միայն ԵԱՀԿ Մինսկի խմբի ձեւաչափում, խաղաղ բանակցային ճանապարհով եւ հավատարիմ է իր այդ դիրքորոշմանը: Պարոն Պոլենցի համոզմամբ, նույնպես հիմնախնդիրը պետք է կարգավորվի Մինսկի խմբի շրջանակում:

Հանդիպմանը քննարկվել են երկկողմ հետաքրքրություն ներկայացնող այլ հարցեր եւս:

 

Լուրեր Հայաստանից - NEWS.am

Այս թեմայով

ՀՀ ՊՆ մամուլի խոսնակ. Ամեն մի ադրբեջանական լուր չէ, որ հարկավոր է մեկնաբանել

Հայկական կողմն իր կորուստները հստակորեն հայտնում է անուն առ անուն, ավելին մեր հերոսների հուղարկավորությանը մասնակցում են բանակի ղեկավարությունը...

Մարտակերտում զոհված Զորիկ Գեւորգյանն ավագ լեյտենանտ էր

NEWS.am-ի տեղեկություններով՝ Զորիկ Գեւորգյանի ընտանիքն ապրում է Վանաձորում...

«Հայկական ժամանակ». Ովքեր են ամենաշատ բացակայող պատգամավորները

Տասնյակում երրորդը Կարեն Կարապետյանն է՝ 43 բացակա: Չորրորդը՝ ԲՀԿ-ական պատգամավոր Արագած Ախոյանն է՝ 28 բացակա, հինգերորդը՝ Գագիկ Ծառուկյանի խնամի, ԲՀԿ-ական պատգամավոր Մուրադ Գուլոյանը՝ 25 բացակա...

«Ժողովուրդ». Կոտայքի մարզի Քասախ համայնքում քաղաքական սկանդալ է հասունանում

Շատ անգամ գնացել խնդրել, պաղատել եմ, թե՝ եկեք աշխատեք, ինչ որ առաջարկում ենք դրեք քննարկեք եւ այլն: Չեկան ու վերջ...

«Հայաստանի նոր քաղաքական մշակույթ»-ը իրական ընդդիմություն է.Անի Զախարյան

Այսօրվա ոչ լեգիտիմ իշխանությունը միմիայն պետք է ուրախ լինի, որ Հայաստանի քաղաքական իրականություն մուտք է գործել ՀՆՔՄԿ, որը առանց որեւէ լծակների...

Անի Զախարյանն առաջարկում է աղջիներին ծառայել բանակում

Ես ինքս երիտասարդ կին եմ, բայց պատանեկան տարիներին երազում էի բանակում ծառայել...