Թուրքիայի արտգործնախարար Ահմեդ Դավութօղլուն Տրապիզոնում մամուլի ասուլիսի ժամանակ անդրադարձել է հունիսի 26-ին Ստամբուլում կայանալիք Սեւծովյան տնտեսական համագործակցության կազմակերպության (ՍԾՏՀ) խորհրդաժողովին Հայաստանի մասնակցության հարցին։
Թուրքական Star-ի փոխանցմամբ՝ Դավութօղլուն հայտարարել է, թե Հայաստանը հենց սկիզբից ՍԾՏՀ-ի անդամ է եւ Ստամբուլում ներկայացուցչություն ունի։
«Հայաստանի մասնակցությունը բնական է։ Սպասում ենք, որ Հայաստանը ՍԾՏՀ-ին կմասնակցի բարձրաստիճան պաշտոնյայի տեսքով։ Մեր հրավերը եղել է նախագահի մակարդակով»,-նշել է Դավութօղլուն։
