ՀինգշաբթիՀոկտեմբեր 02
  • USD 407.58
  • EUR 514.12
  • RUB 10.28

Լիբանանի մայրաքաղաք Բեյրութում բացվել է ԳՈՀԱՐ հայկական ինքնատիպ գրադարանը

12:01, 12.06.2012 Տարածաշրջան: Աշխարհում, Հայաստան, Սփյուռք Թեմա: Հասարակություն, Մշակույթ

Սփյուռքահայության սիրտ հանդիսացող եւ  մշակույթների հանդիպման կենտրոն Լիբանանի հայկական համայնքը ականատես եղավ հայանվեր  եւս մի գործի իրականացման: Լիբանանահայ Խաչատուրյան ընտանիքի  նախաձեռնությամբ՝ հանձին Հարութ  Խաչատուրյանի, Բեյրութում բացվել է  ԳՈՀԱՐ երգարանների, երաժշտական ձեռնարկների  եւ բառարանների՝  նախատիպը չունեցող  հանրային գրադարանը:

Սա Հարութ Խաչատուրյանի 20 տարիների աշխատանքի արդյունքն  է,որը Խաչատուրյան ընտանիքը  նվիրել է  այս տարի հայության համար կարեւոր երկու հոբելյաններին՝ հայկական գրատպության 500 ամյակին եւ Սայաթ Նովայի  300 ամյակին: 

ԳՈՀԱՐ  գրադարանի բացմանը ներկա էին Լիբանանի կառավարության անդամներ, արվեստի գործիչներ եւ գրողներ, մանակավարժներ, ուսանողներ եւ պարզապես երգարվեստի սիրահարներ,ովքեր եկել էին ներկա գտնվելու այս ազգանվեր գործին:

ԳՈՀԱՐ գրադարանը  սփյուքահայ իրականության մեջ հայտնվեց հենց այն ժամանակ,երբ մարդիկ առավել էին զգում մշակութային արժեքների, հայ երգի  իրական «գոհարների»  ընկալման եւ պահպանման անհրաժեշտությունը:

ԳՈՀԱՐ հայտնի երաժշտախմբի հիմնադիր ու մեկենաս  Խաչատուրյանն ընտանքի համար երգը  հավատարիմ  ուղեկից է: 

Գրադարանի բացման առիթով Խաչատուրյան ընտանիքը ներկայացրել է  նաեւ ԳՈՀԱՐ երգարանը, որտեղ զետեղված են բոլոր ժամանակների սիրված  ու ճանաչված երգերը, որոնք  մշտապես հնչել եւ  շարունակելու են հնչել հայ  ընտանիքներում:

ԳՈՀԱՐ գրադարանում կա ավելի քան 1400 երգարան, որոնցից ամենահինը 1833 թվականի  Էջմիածնի  տպագությանն է: Այստեղ այցելուները կարող են գտնել նաեւ  400 բառարաններ, որոնցից  ամենավաղ տպագությունը 1749-ի Վենետիկյան հրատարակության է: ԳՈՀԱՐ երաժշտական գրադարանում հնարավոր է ինչպես կարդալ, այնպես էլ ակընդրել եւ ունկընդրել: 600 ձայնապնակները, 550 խտասկավառակները, 400 տեսասկավառակները, 250 ձայներիզները այցելուին կօգնեն ավելի ծանոթանալ  հայկական մշակույթի դարավոր ժառանգությանը:

Գրադարանի  այցելուները  հնարավորություն  ունեն  նաեւ   օգտվելու  երաժշտական գործիքներից եւ նվագարաններից,ինչպես նաեւ համակարգիչներից՝ ուսումասիրություններ կատարելու համար:

Գրադարանում կան նաեւ հայկական մանրանկարչության օրինակներ, ձեռագիր գրքեր,Կիլիկիայի թագավորության  վերաբերյալ ձեռնարկներ ու  Կիլիկիո դրոշների ու դրամների հավաքածու:

Լուրեր Հայաստանից - NEWS.am

Այս թեմայով

Երեւանի քաղաքապետը պարգեւատրել է Ստեփանակերտի քանդակների հեղինակներին

Երեւանը բազմակողմ, ծավալուն համագործակցություն է մեկնարկել Ստեփանակերտի եւ Լեռնային Ղարաբաղի Հանրապետության բոլոր շրջանների հետ...

Ոստիկանությունը մերժել է «Աֆրիկյանների տան» քանդման գործով քրգործի հարուցումը

«Աֆրիկյանների բնակելի տան» ոչնչացման կամ վնասման վերաբերյալ մտահոգությունը հիմնավոր չէ...

ԱՄՆ-ում անչափահասը «սելֆի» է արել Մաքարթնիի եւ Բաֆեթի հետ

Արտիստի թիկնապահը հայտարարել է, որ նրանք որքան ցանկանում են, կարող են նկարել, սակայն...

Կամավորները «Զվարթնոցը» ներկայացրել են իրենց աչքերով

Մասնակիցներին տրամադրվել են նկարչության համար անհրաժեշտ պարագաներ...

«Խաղաղություն Արցախին» խորագրով քանդակագործության երրորդ միջազգային սիմպոզիում Շ...

10 օր շարունակ տարբեր երկրներից ԼՂՀ ժամանած եւ նրանց միացած արցախցի քանդակագործներն ազատ թեմայով քանդակներ կկերտեն...

Տեղի է ունեցել «Իմ Հայաստան» փառատոնի «Պարարվեստի օրեր»-ի փակման արարողությունը

«Իմ Հայաստան» փառատոնի շրջանակներում կանցկացվեն նաեւ խմբերգային արվեստի օրեր...

Partner news