Հայաստանի արդարադատության նախարարությունը հերքել է NEWS.am-ի հրապարակումը, թե տեսանյութում պատկերված մեքենան պատկանում է արդարադատության նախարարի թիկնազորին:

Արդարադատության նախարարի մամուլի քարտուղար Կարինե Քալանթարյանը հայտնեց, որ նախարարը թիկնազոր չունի, իսկ «ԿԻԱ» մակնիշի 100 ՕՏ 01 համարանիշի մեքենան իրենց նախարարությանը չի պատկանում:

Ինչպես ավելի վաղ հայտնել էր NEWS.am-ը, Երեւանում, այսօր` հունիսի 12-ին, ժամը 09:10-ի սահմաններում ընթերցողը նկատել է8, որ «Կիա» մակնիշի 100 OS 01 համարանիշի պետական ծառայողական մեքենան Մաշտոց-Մոսկովյան խաչմերուկն անցնում է կարմիր լույսի տակով` առանց լուսային փարոսիկները միացնելու:

Ընթերցողը տեսանկարահանել էր իրավախախտումը եւ տեսանյութը տրամադրել մեզ: