Ֆրանսիայի նախագահ Ֆրանսուա Օլանդը, ՌԴ նախագահ Վլադիմիր Պուտինը եւ ԱՄՆ նախագահ Բարաք Օբաման հանդես են եկել Լեռնային Ղարաբաղի հիմնախնդրի վերաբերյալ համատեղ հայտարարությամբ.
«Մեր երկրները կողմերի հետ կշարունակեն սերտ աշխատանքը», - ասվում է «քսանյակի» ընդունած փաստաթղթում: - Մենք նրանց կոչ ենք անում ամբողջությամբ օգտագործել Մինսկի խմբի համանախագահների միջնորդական աջակցությունը: Սակայն, խաղաղությունը վերջին հաշվով, կախված կլինի ոչ թե միակողմանի առավելության հասնելու ձգտումից, այլ կողմերի միասնական համաձայնության եւփոխընմբռնման պատրաստակամությունից, ինչն էլ խաղաղություն կբերի բոլոր ժողովուրդներին եւապագա սերունդներին»,- նշվում է փաստաթղթում:
Ռուսաստանի, ԱՄՆ-ի եւ Ֆրանսիայի առաջնորդներն ընդգծել են, որ «Ռազմական ուժի կիրառումը չի կարգավորի հակամարտությունը եւմիայն ավելի կերկարաձգի տարածաշրջանի ժողովուրդների տառապանքներն ու զրկանքները, որոնց արդեն երկար ժամանակ է ենթարկվում են այդ տարածաշրջանում բնակվող ժողովուրդները:
«Միայն խաղաղ, բանակցություններով ձեռք բերված կարգավորումն ընդունակ կլինի դորս գալ ստեղծված իրավիճակից եւ կապահովի տարածաշրջանի ապահով եւբարեկեցիկ ապագան»,- ասված է հայտարարության մեջ:
«Մենք ցավում ենք, որ Հայաստանի եւ Ադրբեջանի նախագահները վճռական քայլեր չձեռարկեցին, ինչի մասին կոչ էին արել մեր երկրները համատեղ հայտարարությամբ, որն ընդունվել էր 2011թ. Դովիլում,- ասված է փաստաթղթում: - Այնուամենայնիվ, արդեն ձեռք բերված առաջընթացը պետք է ազդակ հաղորդի համընդհանուր խաղաղության ապահովմանն ուղղված շրջանակային պայմանավորվածության ավարտին»: Օբաման, Պուտինը եւ Օլանդը Հայաստանի եւ Ադրբեջանի նախագահներին կոչ են արել «կատարել պարտավորությունը, արագացնել Լեռնային Ղարաբաղի հակամարտության կարգավորման հիմնական սկզբունքները, որոնք նշված են հունվարի 23-ին Սոչիում արված հայտարարությունում»: ԱՄՆ-ի, Ռուսաստանի եւ Ֆրանսիայի նախագահները կոչ են արել նաեւ Հայաստանին եւ Ադրբեջանին «բանակցություններում զերծ մնալ մաքսիմալիստական դիրքորոշումներից, պահպանել 1994 թվականին կնքված հրադադարի համաձայնագիրը եւ խուսափել թշնամական լարված հռետորաբանությունից»,- հաղորդում է ԻՏԱՌ-ՏԱՍՍ-ը:
Ինչպես ավելի վաղ հայտնել էր NEWS.am-ը, հունիսի 18-ին Փարիզում տեղի է ունեցել ղարաբաղյան հիմնախնդրի կարգավորմանը նվիրված ԵԱՀԿ ՄԽ-ի համանախագահների հանդիպումը Հայաստանի եւ Ադրբեջանի արտգործնախարարներ Էդվարդ Նալբանդյանի եւ Էլմար Մամեդյարովի հետ: Հանդիպմանը ներկա է եղել նաեւ ԵԱՀԿ գործող նախագահի անձնական նեկայացուցիչ Անջել Կասպրշիկը: Ըստ հանդիպման արդյունքների` ընդունվել է հայտարարություն:
Հունիսի 18-ին էլ ադրբեջանական կողմը նորից խախտել է հրադադարի ռեժիմը Լեռնային Ղարաբաղի եւ Ադրբեջանի ռազմական ուժերի շփման գծում, որի հետեւանքով զոհվել է զինծառայող, 1993 թվականին ծնված Արամ Սիմոնի Գյուլնազարյանը: