Վաղը` հունիսի 21-ի երեկոյան, Հանրապետական կուսակցության կենտրոնական գրասենյակում կկայանա ՀՀԿ գործադիր մարմնի նիստը: Այս մասին NEWS.am-ի թղթակցի հետ զրույցում ասաց ՀՀԿ մամուլի խոսնակ Էդուարդ Շարմազանովը:
Նա նշեց, որ օրակարգում ընդգրկված են կազմակերպչական հարցեր: Իսկ թե կքննարկվի գործադիր իշխանության ձեւավորման, մասնավորապես` մարզպետների նշանակման հարցը, նա ոչ բացառեց, ոչ էլ հաստատեց այդ հանգամանքը:
Նշենք, որ ՀՀԿ գործադիր մարմնի նախորդ նիստում հայտնի էին դարձել նախարարների անունները:
Ավելի վաղ NEWS.am-ը ներկայացրել էր, թե որ մարզպետները կպաշտոնավարեն եւ որոնք կփոխվեն: