Հունիսի 24-ին, ժամը 18.00-ին, Երեւան-Մեղրի ճանապարհի 184-րդ կմ-ին «Գրանդ-Չերոկի» մակնիշի ավտոմեքենա է դուրս եկել երթեւեկելի գոտուց եւ կողաշրջվել, ինչի հետեւանքով ուղեւորուհին մարմնական վնասվածքներով տեղափոխվել է հիվանդանոց:
Ոստիկանության լրատվության վարչությունից հայտնում են, թե հունիսի 24-ին, ժամը 10.00-ի սահմաններում, Գյումրի-Առափի ճանապարհի 3-րդ կմ-ին «ԲՄՎ» մակնիշի ավտոմեքենա է բախվել աղբակույտին, ինչի հետեւանքով ուղեւորուհին մարմնական վնասվածքներով տեղափոխվել է հիվանդանոց:
Հունիսի 24-ին, ժամը 17.00-ի սահմաններում, Գյուլագարակ-Դենդրոպարկ ճանապարհի 2-րդ կմ-ին «CAH-AM-ONTLANDER» կվադրոցիկլ է շրջվել:
Վարորդը մարմնական վնասվածքներով տեղափոխվել է հիվանդանոց:
Բոլոր դեպքերով կատարվում է քննություն: