Ալագյազ–Արթիկ ավտոճանապարհի 6-րդ կմ-ում, հունիսի 26-ի երեկոյան տեղի է ունեցել ավտովթար:
Հայաստանի ԱԻՆ փրկարար ծառայությունից NEWS.am-ին հայտնում են, որ դեռեւս չպարզված հանգամանքներում «Ֆոլքսվագեն Պասսատ» մակնիշի 23 ՏՏ 008 համարանիշի ավտոմեքենան (վարորդ` 47-ամյա Արսեն Օհանյան) դուրս է եկել ճանապարհի երթեւեկելի մասից եւ շրջվել:
Պատահարի հետեւանքով Ա. Օհանյանը տեղում մահացել է, իսկ ուղեւոր` 36-ամյա Հարություն Մանուկյանը,տարբեր մարմնական վնասվածքներով տեղափոխվել է Ապարանի հիվանդանոց, որտեղ ստանալով բուժօգնություն` դուրս է գրվել: