Հայաստանի նախագահ Սերժ Սարգսյանն այսօր` հունիսի 27-ին, ընդունել է Չինաստանի Գերագույն դատարանի նախագահի տեղակալ Ձյան Բիսինին:
Նախագահի մամուլի գրասենյակից NEWS.am-ին հայտնում են, որ նախագահը ողջունել է հյուրին եւ ընդգծել, որ բոլոր ոլորտներում հայ-չինական համագործակցությունը զարգանում է, երկու բարեկամ երկրների միջեւ հարաբերությունները տարեցտարի ավելի են ամրապնդվում, ինչի վկայությունն է նաեւ ՉԺՀ Գերագույն դատարանի պատվիրակության այցը Հայաստան:
Զրուցակիցները երկուստեք կարեւորել են ՀՀ եւ ՉԺՀ դատական համակարգերի միջեւ համագործակցությունը եւ փորձի փոխանակումը:
