Հայաստանի տնտեսական մոդելը մի մեծ փոշեծծիչ է, որը հավաքում է Հայաստանի ամբողջ փողը եւ կենտրոնացնում օլիգարխների գրպանում: Այս մասին, այսօր` հունիսի 28-ին, լրագրողների հետ հանդիպման ժամանակ նշեց «Ղարաբաղ» կոմիտեի նախկին անդամ Աշոտ Մանուչարյանը:
Նրա խոսքով, հետագայում այդ գումարները գնում են արտասահմանյան բանկեր, իսկ այդ օլիգարխները, եթե անգամ Հայաստանում տուն են կառուցում, քարն արտասհմանից են բերում: «Այսինքն` Հայաստանից գումարը հավաքում են եւ ծախսում արտերկրում, հետեւաբար, կառավարության ծրագրից մեծ ակնկալիքներ չենք կարող ունենալ»,-ընդգծեց նա:
