Հռոմում կայացած աճպարարների միջազգային մրցույթում հաղթող ճանաչված 15-ամյա Սոս Պետրոսյան-կրտսերը նոյեմբերին մեկնելու է Լաս Վեգաս՝ մասնակցելու ամենաբարձր շոուին, որի ուղեգիրը շահել էր որպես մրցույթի հաղթող: Այս մասին այսօր՝ հունիսի 29-ին, լրագրողների հետ հանդիպման ժամանակ ասաց «Երեւանյան կրկես» մշակութային կենտրոնի գեղարվեստական ղեկավար, կրկեսային գործիչների միության ղեկավար, հաղթողի պապ եւ միջազգային մրցույթի պատվավոր հյուր Սոս (Իոսիֆ) Պետրոսյանը:
Նա տեղեկացրեց, որ նախագծին մասնակցել են 3000 աճպարարներ ավելի քան 60 երկրներից: Մրցույթի մասնակիցների ընտրությունը տեւել է 6 ամիս: Այդ մրցույթում առաջին անգամ հայ է մասնակցել: Ժյուրիի կազմում են եղել համաշխարհային ճանաչում ունեցող աճպարարներ Ուրի Գելերը, Ֆրանց Հարարին, Էդ Ալոնսոն, Տոպազը: Մրցույթի կիսաեզրափակչին մնացել են միայն 70 մասնակիցներ: Եզրափակչում մնացել են մասնակիցներ 10 երկրներից, այդ թվում Ճապոնիայից, ԱՄՆ-ից, Չինաստանից, Մեծ Բրիտանիայից, Կորեայից եւ Հայաստանից: Պետրոսյան-կրտսերը ցույց է տվել միկրոմոգության եւ խաղաթղթերով մոգության իր վարպետությունը: Նման համար նա ցույց էր տվել նաեւ ռուսական «Փառքի րոպե» հեռուստաշոուի ժամանակ: Հռոմում առաջին անգամ անցկացվող միջազգային մրցույթը կցուցադրվի իտալական «Canale 5» հեռուստաալիքով` 2012 թվականի հոկտեմբերի 5-ին:
Ասուլիսի ընթացքոմ տեղի ունեցավ նաեւ «Հայկական կրկես» գիրք-ալբոմի շնորհանդեսը, որտեզ ներկայացված է հայկական կրկեսի պատմությունը, Սոս Պետրոսյնի կենսագրությունը եւ բազմաիթվ լուսանկարներ: