Հայաստանի միջազգային պահուստները 2012 թ. մայիսին կազմել են 1.67 մլրդ դոլար: Այդ մասին նշված է ՀՀ Կենտրոնական բանկի հրապարակման մեջ («Միջազգային պահուստների եւ արտարժութային իրացվելիության ստանդարտ աղյուսակ»):
Հունվարի համեմատ միջազգային պահուստները նվազել են մոտ 150 մլն դոլարով: Չի բացառվում, որ դա հետեւանք է ֆինանսական շուկայում իրականացվող ինտերվենցիաների` դրամի փոխարժեքի կտրուկ անկումը կանխելու նպատակով:
Հայաստանի միջազգային պահուստներից 1.35 մլրդ դոլարը կամ 80%-ից ավելին պահվում են արժեթղթերի տեսքով: Արժեթղթային պորտֆելը հունվարի համեմատ աճել է մոտ 120 մլն դոլարով:
Կանխիկ դրամական միջոցները եւ ավանդները կազմում են մոտ 275 մլն դոլար` հունվարի համեմատ նվազելով մոտ 240 մլն դոլարով: