Հայաստանի կառավարությունն իր այսօրվա` հուլիսի 4-ի նիստում, որոշում է կայացրել Ազգային ժողովի աշխատակազմին հատկացրել է 22.5 միլիոն դրամ (շուրջ 53.5 հազար դոլար)` ԱԺ-ում նոր խմբակցության աշխատանքն ապահովելու համար:
Այս մասին NEWS.am-ը տեղեկանում է կառավարության տեղեկատվության եւ հասարակայնության հետ կապերի վարչությունից:
Հիշեցնենք, որ մայիսի 6-ի կայացած խորհրդարանական ընտրությունների արդյունքում Ազգային ժողովում ձեւավորվել է 6 խմբակցություն, որոնցից 5-ը կային նաեւ նախորդ ԱԺ-ում: Նոր խմբակցությունը, որի համար կառավարությունը գումար է հատկացրել, Հայ ազգային կոնգրեսն է:
