Կիեւում մինչեւ հուլիսի 9-ը արգելել են զանգվածային ակցիաները: Նման որոշում է կայացրել ուկրաինական մայրաքաղաքի շրջանային դատարանը:
Այդ ընթացքում ռուսերենի վերաբերյալ ընդունած օրենքի կապակցությամբ չեն կարող անհամաձայնություն հայտնել ազգայնական մի շարք կազմակերպություններ, հայտնում է «ՌԲԿ Ուկրաինան»: Գործակալությունը նաեւ նշում է, որ հուլիսի 9-ին իր ծնունդն է նշում Ուկրաինայի նախագահ Վիկտոր Յանուկովիչը կնշի ծննդյան տարեդարձը:
Քաղաքապետարանում վստահ են, որ հանրահավաքների արգելքն անհրաժեշտ է. դրանք սպառնում են քաղաքացիների անվտանգությանը:
Հիշեցնենք, որ հուլիսի 4-ին Ուկրաինական տան մոտ, որտեղ սպասում էին Ուկրաինայի նախագահի մամլո ասուլիսին, բախումներ էին եղել ցուցարարների եւ «Բերկուտի» աշխատակիցների միջեւ: Արդյունքում մամլո ասուլիսը հետաձգվել էր, իսկ Կիեւում իսկական ծեծկռտուք էր սկսվել:
«Պետական լեզվաքաղաքականության հիմունքների մասին» օրենքը ենթադրում է ռուսերենին տարաշածրջանայինի կարգավիճակի տրամադրում, այն Ուկրաինայում ընդունվել էր հուլիսի 3-ին եւ բողոքի ալիք բարձրացրել:
Ներկայումս փաստաթուղթն սպասում է Ուկրաինայի նախագահի որոշմանը: Յանուկովիչը հայտարարել է, որ ստորագրելուց առաջ համաձայն է այն փորձաքննության ենթարկել: