Հոլանդական Nos հեռուստաալիքի վեցժամյա լուրերի թողարկման ժամանակ Գերմանիայի կանցլեր Անգելա Մերկելը ցուցադրվել է վերին շրթունքին սեւ եզրագծով, որը հիշեցրել է Ադոլֆ Հիտլերի բեղերը:
Ինչպես Metro-ին հղում անելով հաղորդում է «Լենիզդատը», նման էֆեկտ է ստացվել տեսագրությանը զուգահեռ ալիքի գրաֆիկայի կարգավորման ժամանակ: Դա տեղի է ունեցել, երբ հաղորդավարն սկսել է պատմել Գերմանիայի կանցլերի եւ Ֆրանսիայի նախագահ Ֆրանսուա Օլանդի հանդիպման մասին, եւ նրա հետեւում սկսել են ցուցադրել Մերկելի կադրերը: Անգելա Մերկելի «բեղերին» ուշադրություն են դարձրել Twitter-ի օգտվողները եւ գրել են այդ մասին:
Այդ դեպքը հրավիրել է նաեւ հանդիսատեսների ուշադրությունը, քանի որ մամուլում Մերկելին բազմիցս համեմատել են Ադոլֆ Հիտլերի հետ քաղաքական խիստ դիրքորոշման համար: Օրինակ, 2008 թվականին Վենեսուելայի նախագահ Ուգո Չավեսը Մերկելին անվանել էր Հիտլերի քաղաքական հետնորդ: