Առաջիկա օրերին ՀՀ են ժամանելու ՌՀՄ նախագահ Արա Աբրահամյանը, «Տաշիր Գրուպ» ընկերության սեփականատեր Սամվել Կարապետյանը` Կալուգայի Սամվելը, նախկին դրայվոտ քաղաքապետ Կարեն Կարապետյանն ու «Բամո» Հոլդինգի հիմնադիրներ Մուրադյան եղբայրները: Այդ մասին գրում է «Չորրորդ ինքնիշխանություն» թերթը:
«Ըստ որոշ լուրերի, ՌԴ-ում հաստատված մեծահարուստների այցը Հայաստան շատ կոնկրետ պատճառ ու նպատակ ունի: Անկախ ամեն ինչից, ՀՀ-ին բազում թելերով կապված այս գործարար շրջանակները նախ եւ առաջ պատրաստվում են ճշտել իրենց անելիքներն ու պահանջվող ձայների թիվը՝ 2013-ի հետ կապված: Երկրորդ՝ որոշները փորձելու են իրենց ծննդավայրերում հերթական անգամ ՀՀԿ-ի լոբբինգն անել ու ապագա տեղական իշխանիկների հարցը լուծել, քանի որ հենց նրանցով է պայմանավորված լինելու առաջիկա ընտրությունների ելքն ու անհրաժեշտ թվաբանության ապահովումը»,- գրում է «Չորրորդ ինքնիշխանությունը»:
