Ֆրանսիայի ստորգետնյա հետազոտությունների և ջրասուզումների կենտրոնը հուլիսի ընթացքում անցկացնում է իր երրորդ արշավը Սևանա լճում:Այս մասին հաղորդում է «Nouvelles d'Arménie»:Այս երրորդ արշավը նպատակաուղղված է 2010 և 2011 թ.թ. առաջին արշավների ժամանակ սկսված հետազոտությունների շարունակմանը:
Ստորգետնյա հետազոտությունների և ջրասուզումների կենտրոնը, որը ոչ կառավարական կազմակերպություն է, այս տարի կզբաղվի ստորջրյա հնագիտությամբ: Սևանա լճի այդ նոր հետազոտության արդյունքում պետք է ստացվի տեղեկատվություն, որը կկարողանա լուծել որոշ էկոլոգիական խնդիրներ, հատկապես երկրաբանության, սեյսմոլոգիայի և շրջակա միջավայրի աղտոտման բնագավառներում: