Եթե Քիմ Քարդաշյանը կարողանա ամուսնալուծվել Քրիս Համֆրիսից, նա կարող է հղիանալ իր նոր ընկերոջից` Քանյե Ուեսթից: Այս մասին հաղորդում է «HollywoodNews.com»-ը` վկայակոչելով RadarOnline-ը:
Խոսակցություններ են շրջում, որ Քիմը պատրաստ է երեխաներ ունենալ Քանյե Ուեսթից, վերջինս նույնպես նման ցանկություն ունի:
Հաղորդվում է, որ երկուսն էլ արդեն սկսել են խոսել ընտանիք կազմելու մասին եւ համարում են, որ միասին լավ ծնողներ կլինեն:
Այդուհանդերձ, Քիմը պատրաստ է սպասել, մինչեւ ավարտվի իր ամուսնալուծության գործընթացը, որը կարող է շատ երկար տեւել: