ՇաբաթՆոյեմբեր 01
  • USD 411.26
  • EUR 517.12
  • RUB 9.78

Դատախազի անգործության հետեւանքով է անձը գտնվում անազատության մեջ. Անժելա Սարգսյա

11:07, 20.07.2012 Տարածաշրջան: Հայաստան Թեմա: Հասարակություն, Պատահարներ

«Նուբարաշեն» քրեակատարողական հիմնարկում գտնվող դերասանուհի Անժելա Սարգսյանի «տղամարդու»` Կարեն Արայանի պաշտպան Կիմա Սարյանը դժգոհ է ոչ թե դատարանների աշխատանքից, այլ դատախազությունից, որի պատճառով իր պաշտպանյալը անազատության մեջ է: Այս մասին NEWS.am-ի թղթակից հետ զրույցում ասաց անձամբ Կիմա Սարյանը:

«Ես` որպես փաստաբան, դատարանի գործողությունների նկատմամբ որեւէ բան չունեմ, դատարանն օրենքով սահմանված կարգով գործողություն է իրականացնում, եթե վկան չի գալիս դատարան, դատարանը իրավունք չունի առանց կողմերի հարցնելու շարունակի: Բայց մեկ այլ բան է, երբ դատախազությունը վերահսկողություն չի իրականացնում: Իսկ այստեղ դատախազի անգործության հետեւանքով է անձը գտնվում անազատության մեջ»,- ասաց նա:

Կիմա Սարյանը չի ցանկանում կանխատեսել, թե Կարեն Արայանը` անժամկետ հացադուլ հայտարարելու, բերանը կարելու եւ բաց նամակ ուղղելու քայլը ինչպես կազդի գործի հետագա ընթացքի վրա եւ արդյոք որեւէ բան կփոխվի, թե ոչ: Նրա կարծիքով` այն բոլոր մարմինները` ՀՀ նախագահ, Գլխավոր դատախազ, Մարդու իրավունքների պաշտպան, Արդարադատության նախարար եւ ԱԺ նախագահ, ում դիմել է Կարեն Արայանը, կարող են միջամտություն ցուցաբերել այս գործում: Փաստաբանը նշեց, որ իր պաշտպանյալն այդ քայլով ցանկացել է հանրության ուշադրությունը հրավիրել մի շարք հանգամանքների վրա: Կիմա Սարյանի խոսքով` արտասահմանյան լրատվամիջոցները եւս անդրադարձել են այդ խնդրին`Հայաստանի պատկան մարմինների, պաշտոնյաների ուշադրությունը հրավիրելով դատական համակարգի վրա: Պաշտպանը տեղեկացված չէր իր պաշտպանյալի քայլի մասին, դրա մասին իմացել է, երբ այցելել է նրան եւ տեսել բերանը փակ, այնուհետեւ` կարդացել է նամակը:

Կիմա Սարյանը հրաժարվեց դատաքննության ընթացքի մասին որեւէ բան հրապարակել, նույնիսկ չնշեց դատական հաջորդ նիստի օրը` հավելելով, որ դռնփակ դատավարություն է ընթանում:

Իսկ ԱՆ քրեակատարողական վարչության լրատվական վարչության պետ Գոռ Ղլեչյանը: NEWS.am-ի թղթակից հետ զրույցում նշեց, որ Կարեն Արայանը բժիշկների հսկողության տակ է,առողջական վիճակը բավարար է: Երեկ նա քանդել է բերանի կարերը, վերքը մշակվել է, իսկ հացադուլը շարունակվում է:

Ավելի վաղ NEWS.am-ը հայտնել էր, որ Կարեն Արայանը ՀՀ նախագահին, Գլխավոր դատախազին, Մարդու իրավունքների պաշտպանին, Արդարադատության նախարարին եւ ԱԺ նախագահին ուղղված բաց նամակ է հղել բանտից, որում մասնավորապես նշվում է «Ես` Կարեն Արայանս, անհիմն մեղադրվում եմ դերասանուհի Անժելա Սարգսյանի պոռնկագրական բնույթի լուսանկարը տարածելու եւ նրա ընտանեկան գաղտնիքը բացահայտելու մեջ, այսինքն` ՀՀ Քրեական օրենսգրքի 263-րդ հոդվածի 1-ին մասով եւ 144-րդ հոդվածով: Ողջ մեղադրանքը հիմնված է շինծու ապացույցների եւ ոչ ճիշտ որակված փաստերի վրա: Ես պնդում եմ, որ այդ արարքը կատարել է հենց ինքը` Անժելա Սարգսյանը, սակայն մինչ այօր չի ստուգվել նույնիսկ նրա համակարգիչը…Ես ինձ մեղավոր չեմ ճանաչել ու չեմ ճանաչում, քանի որ ես ոչ մի պոռնկագրական բնույթի լուսանկար ոչ մեկին, ոչ մի կերպ չեմ փոխանցել ու չեմ ցուցադրել: Դատարանը նույնիսկ չի կարողանում վկաներին բերման ենթարկել դատական նիստերին եւ արդեն հինգերորդ ամիսն է, ինչ այդ պատճառով դատավարությունը հետաձգվում է ու չունի ընթացք: Մերժվել են իմ խափանման միջոց կալանքը վերացնելու եւ գործը կարճելու վերաբերյալ միջնորդությունները եւ 2011 թվականի հոկտեմբերի 5-ից մինչեւ այսօր ես գտնվում եմ ապօրինի կալանքի մեջ: Ուստի` ելնելով վերոգրյալից ես այսօրվանից կարել եմ բերանս ու հայտարարում եմ անժամկետ հացադուլ եւ պահանջում եմ արդարության վերականգնում: Ես հացադուլից դուրս կգամ այն ժամանակ, երբ կգտնվեմ ազատության մեջ»:

Նշենք, որ 2011 թվականի հոկտեմբերի 5-ին Կարեն Արայանը ձերբակալվել էր, նրան մեղադրանք է առաջադրվել ՀՀ քրեական օրենսգրքի 144 (Անձնական կամ ընտանեկան կյանքի մասին տեղեկություններ ապօրինի հավաքելը, պահելը, օգտագործելը կամ տարածելը) եւ 263 (պոռնոգրաֆիկ նյութեր կամ առարկաներ ապօրինի տարածելը) հոդվածների հատկանիշներով: Հոկտեմբերի 7-ին Երեւանի Կենտրոն-Նորք Մարաշ ընդհանուր իրավասության դատարանը նրա նկատմամբ խափանման միջոց էր ընտրել երկամսյա կալանքը, իսկ դեկտեմբերի 5-ին երկու ամսով երկարացվել էր կալանքի որոշումը: Սեպտեմբերի 17-ին, ՀՀ մշակույթի նախարարության «մշակութային արժեքների փորձաքննություն» ՊՈԱԿ-ի մասնագետների տված եզրակացության համաձայն համացանցում հայտնված լուսանկարները պոռնկագրական բնույթի են եղել: Ըստ մամուլի հրապարակումների` լուսանկարները համացանցում տարածել էր նրա նախկին ընկերը` ոմն Կարեն Արայանը: Անժելա Սարգսյանը նկարահանվում էր «Արմենիա» հեռուստաընկերության «Ո՞ւր է իմ տղամարդը» սերիալում:

Լուսանկարները ինտերնետում հայտնվելուց հետո, նրա խաղընկերուհիները հրաժարվել էին նկարահանվել Անժելայի հետ: 

Լուրեր Հայաստանից - NEWS.am

Այս թեմայով

Սադամ Հուսեյնի նմանակին փորձել են ստիպել նկարահանվել պոռնոֆիլմում

Ավազակախումբը պատրաստվել է ֆիլմը մատուցել որպես իրաքյան բռնապետի բացառիկ տեսանյութ...

Նոր մանրամասներ են ի հայտ գալիս պարուհի Մագայի մահվան փաստով հարուցված քրգործից

Անհայտ է դեպքի պահին Մագայի մոտ եղած ավելի քան 200 հարյուր հազար դրամի եւ բջջային հեռախոսներից մեկի ճակատագիրը...

Վթարի է ենթարկվել Վանաձորի քաղաքապետի թեկնածուն (ֆոտո)

Նման բան չկա, սա սովորական պատահականություն էր…

«Ազատ դեմոկրատներ». Սուրեն Սիրունյանի մահը մեծ կորուստ է բոլորիս համար

Սիրունյանի անձնազոհ կերպարը մշտական պայքար է մղել հայրենիքի եւ ՀՀ քաղաքացիների ազատության համար...

Սպանված Սուրեն Զորոյանը «բիճ» մականուն չի ունեցել

Իմ ախպերս հայտնի էր, որպես երկաթուղայինների...

Partner news