ՉորեքշաբթիՀուլիս 30
  • USD 406.97
  • EUR 550.63
  • RUB 11.63

Կանայք ինձ համար բլից-հարցազրույց չեն. Ռուբեն Հակոբյան

11:36, 20.07.2012 Տարածաշրջան: Հայաստան Թեմա: Հասարակություն,

«Բլից հարցազրույցներ ԱԺ պատգամավորների հետ» շարքի շրջանակներում NEWS.am-ը ներկայացնում է իր հերթական հարցազրույցը: Այս անգամ զրուցել ենք «Ժառանգություն» խմբակցության ղեկավար Ռուբեն Հակոբյանի հետ:

Ինչպե՞ս կբնութագրեք Ձեզ:  

Սովորական մարդ-մահկանացու:

Աշխարհը, կյանքը եւ Դուք:

Կարծես թե իրար հետ լեզու գտել ենք:

Տանը, աշխատավայրում եւ ընկերների հետ, ինչպիսի՞ն եք: 

Նույնը չեմ, բայց այնքան էլ տարբեր չեմ:

Զայրանում եք, երբ...

Չեմ կարող չզայրանալ:

Զարմանում եք, երբ...

Քիչ եմ զարմանում:

Ձանձրանում եք, երբ... 

Պաշտոնյայի կենաց են խմում:

Հուսահատվում եւ հիասթափվում եք, երբ...

Պայքարելու ցանկությունս կորում է:

Հպարտությունը:

Մարդու գլխավոր ստորագրություններից է:

Ուրախությունը:

Մարդու համար կենսական անհրաժեշտություն:

Տխրությունը:

Նույնը, ինչ ուրախության դեպքում:

Հոգսերը:

Անիմաստ կլիներ կյանքն առանց դրանց:

Ամենառոմանտիկ քայլը:

Դեռ առջեւում է, կարծում եմ:

Խենթություններ:

Մարդ դառնալու ճանապարհին անհրաժեշտ սնունդ:

Սերեր:

Եզակի դեմքով եմ ընդունում, հաջորդները` կրկնություն են:

Կանայք: 

Կանայք ինձ համար բլից-հարցազրույց չեն:

Ընտանիք:

Ըստ ճաշակի` պետության միկրոմակետ:

Երեխաներ:

Սկզբում` ինքնահաստատման ձեռագիր, հետո` կյանքին կապող պորտալար:

Թուլություններ եւ թերություններ:

Առանց դրանց` անլիարժեք մարդ:

Ինչի՞ համար եք զղջում:

Երկար պիտի մտածեմ:

Ի՞նչ կփոխեիք Ձեր մեջ եւ շրջապատում: 

Թողնենք միայն բնությունը կատարյալ մնա:

Ինչո՞վ եք բարկացնում ուրիշներին:

Բարկացողներին հարցրեք:

Ումո՞վ կամ ինչո՞վ եք հիանում:  

Իմ այգու եղեւնիով:

Ամենաշատն ինչքա՞ն եք սպասեցրել եւ ինչքա՞ն եք սպասել:   

Ասում են` պունկտուալ եմ:

Ամենաթանկարժեք իրը, որ ունեք (ժամացույց, մեքենա, թանկարժեք նկար եւ այլն)  

Նկար:

Խաղաքարտ, նարդի, դոմինո, շախմատ, շաշկի...  

Նաեւ` երաժշտություն ու օղի:

Նշենք, որ 57-ամյա Ռուբեն Հակոբյանը ԱԺ-ում նորաբնակրներից չէ, 1990-2000թ նա երեք անգամ ընտևրվելէ ԱԺ պատգամավոր` որպես ՀՅԴ անդամ: Սովորել է Երեւանի պետական համալսարանի բանասիրական ֆակուլտետում, լրագրող է, քաղաքական գիտությունների թեկնածու:է: Աշխատել է Հայաստանի հեռուստառադիոպետկոմում` խմբագիր, քաղաքական մեկնաբան, ՀՀ գլխավոր հյուպատոս Սանկտ Պետերբուրգում եւ այլն:

Ավելի վաղ NEWS.am-ը ներկայացրել էր հարցազրույց ԱԺ ՀՀԿ խմբակցության պատգամավոր Արփինե Հովհաննիսյանի, Լեւոն Մարտիրոսյանի, Նաիրա Կարապետյանի, ԲՀԿ խմբակցության պատգամավոր Տիգրան Ուրիխանյանի, Էլինար Վարդանյանի, ՀԱԿ խմբակցությունից Լյումդիլա Սարգսյանի հետ:

Շարքը` Ինգա Մարտինյանի

Լուրեր Հայաստանից - NEWS.am

Այս թեմայով

ԱՄՆ-ում 80-ամյա վարորդի մեքենան բախվել է մանկապարտեզի շենքին

Շենքում պատահարի պահին եղել է 40 երեխա...

Գիտնականները պարզել են, թե տղամարդիկ ինչու չեն ցանկանում սեքսով զբաղվել

Պատճառն աշխատավայում չափազանց մեծ ծանրաբեռնվածություւնն է ու սթրեսային իրավիճակները...

Ջենիֆեր Լոպեսն ու Ֆիլիպ Կիրկորովը ելութ են ունեցել Թուրքմենստանի նախագահի ծննդյա...

Լոպեսը երգել է ավանդական «Happy birthday, mister president!»-ը, իսկ Կիրկորովը թուրքմեներենով շնորհավորել է....

«Հրապարակ». Հռիփսիմե Խուրշուդյանն ամուսնանում է

Սակայն ողջ հարսանիքն ընթանալու է Ծառուկյանի բարձր հովանու ներքո…

Քսենիա Սոբչակը մորը «գրողի ծոցն» է ուղարկել

Շատերին Սոբչակի նման պահվածքը զայրացրել է...