Հայկական կողմը ԼՂ հակամարտության գոտում հրադադարի ռեժիմի խախտում չի արձանագրել: Այս մասին NEWS.am-ի թղթակցի հետ զրույցում նշեց ՊՆ մամուլի քարտուղար Արծրուն Հովհաննիսյանը` մեկնաբանելով ադրբեջանական լրատվամիջոցների տարածած տեղեկությունները` ադրբեջանական բանակի սպայի մահվան մասին:
Հովհաննիսյանի խոսքով, Ադրբեջանի բանակի սպայի մահվան մեղավորությունն ամբողջությամբ ընկած է ադրբեջանական կողմի վրա, քանի որ հրադադարի ռեժիմի խախտում չի արձանագրվել:
«Եթե միջադեպը հակառակորդի սադրիչ գործողությունների հետեւանք է, ապա անկախ նրանից, թե դա որտեղ է տեղի ունեցել, մեղավորությունն ամբողջությամբ ընկնում է ադրբեջանական կողմի վրա»,-հայտարարել է նա:
Նշենք, որ ըստ ադրբեջանական Trend գործակալության, Ադրբեջանի ովուզի շրջանի Ալիբեյլի գյուղի ուղղությամբ մահացել է Ադրբեջանի բանակի ավագ լեյտենանտ Ջաֆար Ջաֆարովը:
