Թուրքիան հուլիսի 22-ին «երկիր-օդ» դասի հրթիռներ է կենտրոնացրել Սիրիայի հետ սահմանին, որտեղ շարունկվում են ապստամբների եւ կառավարական ուժերի միջեւ բախումները:Ինչպես հաղորդում է «Agence France-Presse»-ը, հրթիռների թվաքանակը հայտնի չէ, սակայն թուրքական NTV հեռուստատեսության ցուցադրած կադրերում հինգ վագոն է նկատվում:
Ապստամբները, որոնք նախկինում վերահսկողության տակ էին վերցրել Իրաքի հետ սահմանը, ներկայումս սիրիա-թուրքական սահմանին գտնվող երեք անցակետ են վերցրել: Նրանցից վերջինը` Բաբ ալ Սալամի անցակետը կառավարական ուժերը հանձնել են հուլիսի 22 –ի առավոտյան, հաղորդում է Reuters-ը: