ՈւրբաթՕգոստոս 01
  • USD 406.57
  • EUR 546.19
  • RUB 11.38

Սկեսրայրը հայհոյել է հարսին եւ հայտնվել է պոլիկլինիկայում

10:39, 29.07.2012 Տարածաշրջան: Հայաստան Թեմա: Պատահարներ

Այգեշատ գյուղում հարսը սկեսրայրի հայհոյանքների պատճառով է բահով հարվածել նրան: Այս մասին NEWS.am-ի թղթակցի հետ զրույցում պատմեցին Այգեշատի բնակիչները: Միաժամանակ նշեցին, որ հարսը շատ գեղեցիկ եւ կիրթ կին է եւ արժանապատվությունից ելնելով է պահի տակ գնացել այդ քայլին: Վերջինիս ամուսնուն էլ գյուղացիները որպես շատ համեստ անձնավորություն բնութագրեցին եւ նշեցին, որ այժմ գտնվում է արտագնա աշխատանքում:

Գյուղացիների  պատմելով` սկեսրայրը ժամանակին գյուղում բարձր պաշտոններ է զբաղեցրել, բայց սիրում է հայհոյել, ինչի արդյունքում հաճախ են անախորժություններ ծագում: Ներկայումս հարսը ապրում է սկերայրի եւ սկեսուրի հետ միասին:

Այգեշատի գյուղապետ  Ռոբերտ Հովսեփյանը  NEWS.am-ի թղթակցի հետ զրույցում ոչ հերքեց, ոչ էլ հաստատեց տեղեկությունը` նշելով, որ հարսին եւ սկեսրայրին իր մոտ է հրավիրել, սակայն դեռ չեն այցելել իրեն, որ հասկանա, թե ինչն էր պատճառը:

«Բայց, որ  մեկի տանը կռիվ չի՞ լինում:Ոչ պետք ա մեկին  գցել մյուսին պաշտպանել, ոչ էլ հակառակը: Հիմա հանգիստ մի տան մեջ ապրում են»,- նշեց նա:

Ավելի վաղ տեղեկացրել էինք, որ Արմավիրի մարզի Այգեշատ գյուղում ոտքի վնասվածքով տեղի պոլիկլինիկա է տեղափոխվել Այգեշատ գյուղի բնակիչ 87-ամյա մի տղամարդ: Վերջինս հայտարարել է, թե նույն օրը՝ ժամը 9:00-ի սահմաններում, տանը վիճաբանության ժամանակ հարսը բահով հարվածել է իրեն: ՀՀ ոստիկանության լրատվական ծառայությունից հաստատել էին տեղեկությունը եւ տեղեկացրել, որ հարսը ստորագրությամբ ազատ է արձակվել , իսկ տուժողին տրվել է դատաբժշկական ուղեգիր: Հետաքննությունը շարունակվում է:

Լուրեր Հայաստանից - NEWS.am

Այս թեմայով

Մարտունի-Վարդենիս ճանապարհին 2 ավտոմեքենա է բախվել

Վարորդն ու ուղեւորը մարմնական վնասվածքներով տեղափոխվել են հիվանդանոց...

Մեքենան Աբովյանում բախվել է երեք խոշոր անասունի

Նախապատրաստված նյութերն ուղարկվել են ոստիկանության Կոտայքի քննչական բաժանմունք...

Քաղաքացին կամավոր հանձնել է ատրճանակն ու հրացանը

Նոր Նորքի բաժնի ծառայողների անցկացրած բացատրական աշխատանքների շնորհիվ...

8-ամյա տղան վնասվածքներով տեղափոխվել է հիվանդանոց

«Մազդա» մակնիշի ավտոմեքենան Երեւանի Ա. Մանուկյան փողոցում վրաերթի է ենթարկել...

Հրդեհներ խոտածածկ տարածքներում

Բոլոր հրդեհները հրշեջ-փրկարարները մեկուսացրել են եւ մարել…

ՌԴ-ում կողոպուտի համար հետախուզվողը, հնարավոր է, թաքնվում է Հայաստանում

ՌԴ քաղաքացի, 27-ամյա Էդգար Արթուրի Աբգարյանը ՌԴ Ստավրոպոլի երկրամասի Գրաչեւսկի շրջանի ներքին գործերի բաժնի կողմից հետախուզվում է կողոպուտ կատարելու մեղադրանքով...