ՄԱԿ-ում Սիրիայի դեսպան Բաշար Ջաաֆարին, ելույթ ունենալով ՄԱԿ-ի ԳՎ-ում, հայտարարել է, որ իրեն եւ իր ընտանիքին «լրատվամիջոցներով, համացանցով» բազմիցս սպառնացել են ֆիզիկական հաշվեհարդար տեսնել:
Նա նաեւ ավելացրել է, որ սպառնալիքների մասին տեղեկացրել է ԱՄՆ-ի համապատասխան մարմիններին:
«Չնայած այդ բոլոր դավերին` ես հպարտ եմ, որ պաշտպանում եմ իմ երկրի շահերը», - ավելացրել է դիվանագետը, հայտնում է «Կոմսոմոլսկայա պրավդան»:
Հիշեցնենք, որ օգոստոսի 3-ին ՄԱԿ-ի ԳՎ-ն քվեարկել էր Սիրիայի` վեճերի տեղիք տված բանաձեւի օգտին: Այն աջակցել են 133 երկիր, 12-ը դեմ են եղել, 31-ն էլ ձեռնպահ են մնացել: Հայաստանը ձեռնպահ է մնացել, Ռուսաստանը դեմ է քվեարկել:
ՄԱԿ-ում Ռուսաստանի մշտական ներկայացուցիչ Վիտալի Չուրկինը հայտարարել է, որ ընդունած բանաձեւը չի օգնի հիմնախնդրի խաղաղ լուծմանը: