News
Լրահոս
News
Հինգշաբթի
Սեպտեմբեր 03
USD
484.4
EUR
545.58
RUB
7.23
Տեսնել լրահոսը

Սեպտեմբերը մաշկաբանների համար ուրախալի եւ հետաքրքիր ամիս  է, մարդիկ վերադառնում են ծովափնյա հանգստից, ոմանք` որոշ հիվանդություններ բուժած, իսկ ոմանք էլ` նոր հիվանդություններ ձեռք բերած: Այս մասին NEWS.am-ի թղթակցի հետ զրույցում ասաց մաշկավեներաբան Հովհաննես Հովհաննիսյանը:

Նրա փոխանցմամբ` ծովափնյա հանգստից հետո բժիշկներին հիմնականում  դիմում են տարբեր տեսակի այրվածքներով եւ որոշ երկար ձգձգվող խրոնիկ հիվանդությունների սրացմամբ:

Նման երեւույթներից խուսափելու եւ հանգիստը հետագայում անհանգստություն չդառնալու համար մաշկաբանը խորհուրդ է տալիս արեւայրուքը ճիշտ ընդունել: Նրա փոխանցմամբ` կարելի է արեւհարվել առավոտյան մինչեւ ժամը 11-12.00-ը, ինչպես նաեւ 16.00-17.00-ից հետո, քանի որ հենց այդ ժամանակ է արեւը օգտակար առողջության, մասնավորապես` մաշկի համար: Իսկ կեսօրին խորհուրդ չի տրվում արեւայրուք ընդունել, քանի որ այդ ժամանակ արեւի ճառագայթները ուղիղ ընկնում են մաշկի վրա, ավելի շատ են թափանցում եւ մաշկը շատ են վնասում, ինչը վտանգավոր է:

Արեւայրուք ընդունելուց առաջ պետք է անպայման օգտագործել համապատասխան քսուկներ` հաշվի առնելով, թե որտեղ ես ընդունում արեւայրուքը: «Եթե օրինակ Սեւ ծովի ափին ես արեւայրուք ընդունում, ուրեմն կարելի է օգտագործել արեւապաշտպան քսուկ` SPF 30 ֆակտորով, դա բավարար կլինի, իսկ եթե Սեւանում, ապա այնտեղ SPF 45-50 է պետք, որպեսզի այրվածքներ չառաջանան»,- նշեց նա:

Պաշտպանիչ քսուկը օգտագործելուց հետո արեւայրուքը չպետք է ընդունել միանգամից եւ երկար ժամանակով, այլ աստիճանաբար: «Կարելի է սկսել օրական 10-15 րոպեից եւ շարունակել երկարացնել օրական մի քանի ժամ, այսինքն` արեւայրուքի առաջին օրը չպետք է շատ երկար մնալ»,- ասաց նա:

Մաշկաբանի խոսքով` լավ արեւայրուք ընդունելը պայմանավորված է թե մաշկի տեսակից, թե օգտագործած քսուկներից, թե ճիշտ խնամքից, թե տվյալ վայրի կլիմայից, բայց իհարկե ամեն ինչ ճիշտ անելու դեպքում հնարավոր է լավ արեւայրուք ընդունել, եթե դա թույլ է տալիս մաշկի որակը: Մաշկաբանը խորհուրդ է տալիս ուշադիր լինել նաեւ ծովափնյա հանգստի ժամանակ օգտագործող սննդի հանդեպ, քանի որ դա եւս կարող է ազդել առողջության, մասնավորապես` մաշկի վրա: Օրինակ` թթու, կծու սննդամթերքը կարող է գրգռել մաշկը եւ բացասական ազդեցություն ունենալ մաշկի վրա` արեւայրուք ընդունելու տեսանկյունից:

Արեւայրուքը, դրական հատկանիշներից բացի, ունի նաեւ բացասական հատկանիշներ: Օրինակ` արեւհարման ժամանակ վիտամին D է արտադրվում մաշկի մեջ, որը նպաստում է մաշկի վերականգնման, որոշ հիվանդությունների հետքաշմանը կամ էլ սրացմանը: Իսկ բացասական հետեւանքները առաջանում են արեւհարումը չարաշահելու դեպքում, որոնք կարող են առաջացնել այրվածքներ, ուռուցքային փոփոխություններ եւ այլն: Եթե ծովափին հանգստանալիս արեւը բացասական ազդեցություն է ունեցել եւ խնդիրներ են առաջացել, ապա Հովհանես Հովհաննիսյանը խորհուրդ է տալիս չզբաղվել ինքնագործությամբ եւ անպայման խորհրդակցել մասնագետի հետ:

Ինչ վերաբերում է արհեստական արեւայրուք ընդունելուն` սոլյարիին, ապա մասնագետը նշեց, որ դրան դիմելուց պետք է անպայման պետք է խորհրդակցել բժշկի հետ եւ ամենակարեւորը` ամեն ինչ անել չափի մեջ, որովհետեւ այն ինչքան դրական, այնքան էլ բացասական հետեւանքներ կարող է առաջացնել:

Ի դեպ, NEWS.am-ը ավելի վաղ անդրադարձել էր սոլյարիի գներին, առավելություններին եւ թերություններին:

!
Այս նյութը հասանելի է նաև   Русский
Տպել
Այս թեմայով
Ամբողջ
Լույս չի լինելու Երեւանի եւ մարզերի որոշ բնակավայրերում
Պլանային եւ վերանորոգման աշխատանքներ իրականացնելու նպատակով, հետագայում վթարներից խուսափելու համար...
Ջուր չի լինելու Շենգավիթի որոշ հատվածներում
Ընկերությունը հայցում է սպառողների ներողամտությունը պատճառված անհանգստության եւ կանխավ շնորհակալություն հայտնում ըմբռնման համար...
159 մանկապարտեզի համար ծախսել ենք 6 մլրդ դրամ. Տարոն Մարգարյան
Մանկապարտեզների գույքի թարմացումը եւս առանձնակի կարեւորված է մեր կողմից, ընդ որում, մենք կարեւորել ենք ոչ միայն սեղան-աթոռների եւ մահճակալների թարմացումը, այլ նաեւ ծրագրում ներառել ենք խոհանոցային պարագաները...
Չիվնինգի կրթաթոշակների 2015-2016 ուստարվա դիմումներն ընդունվում են օգոստոսի 1-ից
Կրթաթոշակի նպատակն է ներգրավել արհեստավարժ մասնագետների, ապագա առաջնորդների, որոշում կայացնողների ու կարծիք ձեւավորողների...
«Ժամանակ». Երեւանցի մարմնավաճառների «գործն» սկսվում է տաքսու մեջ
Որոշ վարորդներ նկատեցին, որ երբ իրենց մեքենան հաճախորդ է նստում, չեն կարող հետաքրքրվել, թե ով է ինչու է հյուրանոց, ռեստորան կամ կարաոկե գնում...
Ամրապնդեք կապը հայրենիքի հետ. վարչապետը՝ «Սփյուռք» ամառային դպրոցի երեխաներին
Ամենակարեւորը Հայաստան-Սփյուռք-Արցախ համատեղ ծրագրերի միջոցով մայր հայրենիքի հետ կապերի պահպանումն ու ամրապնդումն է...
Ամենաշատ
Ֆոտոռեպորտաժներ
Partner news